கோவை 27வது வார்டில் தூய்மைப் பணிகள் தீவிரம்: கவுன்சிலர் அம்பிகா தனபால் ஆய்வு

கோவை: கோவை மாநகராட்சியின் 27வது வார்டில் குப்பைகள் அகற்றும் பணி தீவிரமாக நடைபெற்றது. வார்டு கவுன்சிலர் அம்பிகா தனபால் நேரில் சென்று ஆய்வு மேற்கொண்டார்.

பீளமேடு பகுதியில் உள்ள பிஎஸ்ஜி சில்ட்ரன் ஸ்கூல் முன்பு மற்றும் துரைசாமி லே-அவுட் பகுதியில் சாலையோரத்தில் குவிந்திருந்த குப்பைகள் முழுவதும் அகற்றப்பட்டன. இந்த பணிகள் ஜூலை 20 அன்று நடைபெற்றன.



வார்டு கவுன்சிலர் அம்பிகா தனபால் நேரில் சென்று பார்வையிட்டு ஆய்வு செய்தார். குப்பைகள் முழுவதும் முழுமையாக சுத்தம் செய்யுமாறு தூய்மைப் பணியாளர்களிடம் அறிவுறுத்தினார்.



இந்த ஆய்வின் போது வார்டு சூப்பர்வைசர் மகேஸ்வரி உடனிருந்தார்.



மேலும், பீளமேடு ஜெகநாதபுரம், டிஸ்பென்சரி ரோடு பகுதிகளிலும் குப்பை அகற்றும் பணிகள் நடைபெற்றன.



இங்கு தினசரி குப்பை வாங்கும் வாகனம் சரியாக வருகிறதா என்பதையும் கவுன்சிலர் அம்பிகா தனபால் ஆய்வு செய்தார்.



சாலையோரத்தில் உள்ள குப்பைகள் முழுவதும் அகற்றப்பட்டதை உறுதி செய்தார்.