ஆடி கிருத்திகை: மருதமலை கோவிலுக்கு வாகன அனுமதி மறுப்பு

கோவை: கோவை மருதமலை சுப்பிரமணி சாமி திருக்கோவிலில் ஆடி கிருத்திகை விழா ஜூலை 28 முதல் 30 ஆம் தேதி வரை நடைபெற உள்ளது. இந்நிலையில், திருக்கோவில் நிர்வாகம் முக்கிய அறிவிப்பை வெளியிட்டுள்ளது.

விழாவின் போது, மலைக் கோயிலுக்கு இரண்டு மற்றும் நான்கு சக்கர வாகனங்கள் செல்ல அனுமதி மறுக்கப்பட்டுள்ளது. மேலும், மலைப் பாதையில் நடைபாதையாக செல்வதற்கும் பக்தர்களுக்கு அனுமதி இல்லை என்று தெரிவிக்கப்பட்டுள்ளது.

பக்தர்கள் மலை பாதை படிக்கட்டுகள் வழியாகவோ அல்லது திருக்கோவில் நிர்வாகத்தால் ஏற்பாடு செய்யப்பட்டுள்ள பேருந்துகள் மூலமாகவோ மலைக் கோவிலுக்கு சென்று சாமி தரிசனம் செய்யலாம் என்று அறிவிக்கப்பட்டுள்ளது.

இந்த ஏற்பாடுகள் அனைத்தும் அறங்காவலர் குழு உறுப்பினர்களால் மேற்கொள்ளப்பட்டு வருவதாக திருக்கோவிலின் செயல் அலுவலர் செந்தில்குமார் ஜூலை 22 அன்று அறிவிப்பு வெளியிட்டுள்ளார்.