கோவையில் பெண்களுக்கு எதிரான இணையவழி குற்றங்கள் குறித்த விழிப்புணர்வு மாரத்தான்

Coimbatore: கோவையில் பெண்களுக்கு எதிரான இணையவழி குற்றங்கள் குறித்த விழிப்புணர்வு மாரத்தான் போட்டி நடைபெற்றது. வி ஒண்டர் உமன் என்ற தன்னார்வ அமைப்பு, கற்பகம் பல்கலையுடன் இணைந்து கோவையில் நான்காவது ஆண்டாக இந்த 5 கி.மீ. விழிப்புணர்வு மாரத்தான் போட்டியை நடத்தியது.

வி ஒண்டர் உமன் தன்னார்வ அமைப்பின் நிர்வாக அறங்காவலர் சுபிதா ஜஸ்டின் மற்றும் அறங்காவலர் சண்முகப்பிரியா ஆகியோர் இந்த நிகழ்வு குறித்து கருத்து தெரிவித்தனர். வளர்ந்து வரும் தகவல் தொழில்நுட்ப வளர்ச்சியில் சமூகத்தில் சைபர் குற்றங்கள் அதிகரித்து வருவதாகவும், குறிப்பாக பெண்களுக்கு எதிரான சைபர் குற்றங்கள் தொடர்ந்து அதிகரித்து வருவதாகவும் அவர்கள் தெரிவித்தனர்.

பதினைந்து வயதிலிருந்தே, பத்தில் ஒரு பெண் இணைய வன்முறைக்கு ஆளாகியிருப்பதாக மதிப்பிடப்பட்டுள்ளதாக அவர்கள் குறிப்பிட்டனர். பெண்களின் நம்பிக்கையைப் பெறுவதற்காக தவறான வழிகளில் கையாளப்படுவதாகவும், சைபர் கிரிமினல்கள் பெண்களை குறிவைத்து அவர்களின் தனிப்பட்ட மற்றும் முக்கியமான தகவல்களை சேகரிப்பதாகவும் அவர்கள் விளக்கினர்.

ஆண்களை விட பெண்கள் ஆன்லைனில் துன்புறுத்தப்படுவது 27 மடங்கு அதிகமாக உள்ளதாகவும், இதனால் அவர்கள் இணைய குற்றவாளிகளுக்கு அடிக்கடி இலக்காகிறார்கள் என்றும் அவர்கள் சுட்டிக்காட்டினர். அந்தரங்கமான படங்கள், வீடியோக்கள் பகிர்வது பெரும்பாலும் பெண்களிடம் நடக்கும் இணையச் சுரண்டலின் ஒரு வடிவமாக உள்ளதாகவும் அவர்கள் தெரிவித்தனர்.

விழிப்புணர்வை ஏற்படுத்துவதன் மூலமும் பாதுகாப்பு நடவடிக்கைகளைச் செயல்படுத்துவதன் மூலமும் அனைவரும் பாதுகாப்பான ஆன்லைன் சூழலுக்கு மாறலாம் என்று அவர்கள் வலியுறுத்தினர். காவல் துறையினர் இதுபோன்ற வழக்குகளில் பாதிக்கப்பட்டோருக்கு மிகவும் உறுதுணையாக இருப்பதாகவும், ஆனால் சமூகத்தில் பாதிக்கப்பட்ட பல பெண்கள் புகார் அளிக்க தயங்குவதாகவும் அவர்கள் குறிப்பிட்டனர்.

இந்த ஆண்டு நடைபெற்ற விழிப்புணர்வு மாரத்தான் போட்டியில் சுமார் 3,000 நபர்கள் முன்பதிவு செய்திருந்தனர். இதில் ஆண்கள், பெண்கள் மற்றும் குழந்தைகள் கலந்து கொண்டனர். மாரத்தான் போட்டியை சைபர் செக்யூரிட்டி ஸ்பெஷலிஸ்ட் சங்கர சுப்ரமணியம், வி ஒண்டர் உமன் தன்னார்வ அமைப்பின் பிரதிநிதிகள், கற்பகம் பல்கலைக்கழக அதிகாரிகள் மற்றும் மருத்துவ நிபுணர்கள் கொடியசைத்து துவக்கி வைத்தனர்.

போட்டி கோவை நேரு ஸ்டேடியம் முன்பு துவங்கி, ஏ டி டி காலனி வழியாக, மதுரை பாலிடெக்னிக் சென்று, அண்ணா சிலை வழியாக மீண்டும் நேரு ஸ்டேடியத்தை வந்தடைந்தது. பங்கேற்பாளர்கள் அனைவருக்கும் மெடல், சான்றிதழ், டீ சர்ட் மற்றும் காலை சிற்றுண்டி வழங்கப்பட்டது.