கோவை பூம்புகார் விற்பனை நிலையத்தில் விநாயகர் சதுர்த்தி சிறப்பு கண்காட்சி மற்றும் விற்பனை

கோவை: கோவை பெரிய கடைவீதியில் இயங்கி வரும் பூம்புகار் கைவினை பொருட்கள் விற்பனை நிலையத்தில் விநாயகர் சதுர்த்தியை முன்னிட்டு சிறப்பு கண்காட்சி மற்றும் விற்பனை நடைபெறவுள்ளது. இந்த கண்காட்சி செப்டம்பர் 2 முதல் 12 வரை, தினசரி காலை 10 மணி முதல் இரவு 8 மணி வரை நடைபெறும்.



இந்த கண்காட்சியில் பல்வேறு வகையான விநாயகர் சிலைகள் விற்பனைக்கு வைக்கப்பட்டுள்ளன.



இவற்றில் பஞ்சலோகம், பித்தளை, சந்தனமரம், கருப்பு மற்றும் வெள்ளை உலோகம் ஆகியவற்றால் செய்யப்பட்ட சிலைகள் அடங்கும்.



மேலும், தஞ்சை ஓவியங்கள், காகிதக்கூழ் மற்றும் களிமண் பொம்மைகள், நூக்கமர உட்பதிப்பு வேலைப்பாடு, துணியில் வரைந்த ஓவியங்கள் போன்றவையும் இடம்பெற்றுள்ளன.



கண்காட்சியில் விற்பனைக்கு வைக்கப்பட்டுள்ள அனைத்து விநாயகர் சிலைகளுக்கும் 10% தள்ளுபடி வழங்கப்படுகிறது. இந்த கண்காட்சியில் 10 லட்சம் ரூபாய் வரை விற்பனை எதிர்பார்க்கப்படுவதாக பூம்புகார் விற்பனை நிலைய நிர்வாகம் தெரிவித்துள்ளது.