பொள்ளாச்சி அருகே இரு துணை மின் நிலையங்களில் பராமரிப்பு பணி: பல பகுதிகளில் நாளை மின் தடை

கோவை: பொள்ளாச்சி அருகே உள்ள இரண்டு துணை மின் நிலையங்களில் மாதாந்திர பராமரிப்பு பணிகள் நடைபெற உள்ளதால், பல பகுதிகளில் நாளை (செப்டம்பர் 11) மின் வினியோகம் இருக்காது என மின்வாரியம் சார்பில் அறிவிக்கப்பட்டுள்ளது.

கோவில்பாளையம் துணை மின் நிலையத்தில் நடைபெறும் பராமரிப்பு பணிகள் காரணமாக, மில் கோவில்பாளையம், முள்ளுபாடி, செங்குட்டைபாளையம், என்.ஜி புதூர், வடக்கிபாளையம், பெரும்பதி ஆகிய பகுதிகளில் மின் வினியோகம் இருக்காது.

அதேபோல், தேவனாம்பாளையம் துணை மின் நிலையத்திலும் பராமரிப்பு பணிகள் நடைபெற உள்ளதால், தேவனாம்பாளையம், குளத்துப்பாளையம், சேரி பாளையம், ஆண்டிப்பாளையம், வகுதம்பாளையம், செடிபுதூர் ஒரு பகுதி, கப்பளாங்கரை ஒரு பகுதி, செரிபாளையம் ஆகிய பகுதிகளிலும் மின் வினியோகம் இருக்காது.

இந்த மின் தடை நாளை (செப்டம்பர் 11) காலை 9 மணி முதல் மாலை 4 மணி வரை நீடிக்கும் என மின்வாரியம் தெரிவித்துள்ளது. இந்த அறிவிப்பை மின்நுகர்வோர் கவனத்தில் கொள்ளுமாறு கேட்டுக் கொள்ளப்பட்டுள்ளனர்.