கோவையில் பெண்கள் மீதான பாலியல் வன்முறைகளுக்கு எதிராக SFI-DIFY-AIDWA கண்டன ஆர்ப்பாட்டம்

கோவை: கோவையில் குழந்தைகள், மாணவிகள் மற்றும் பெண்கள் மீது தொடரும் பாலியல் வன்முறைகளை தடுத்து நிறுத்த வலியுறுத்தி கோவை மாவட்ட ஆட்சியர் அலுவலகம் முன்பு SFI-DIFY-AIDWA கோவை மாவட்ட குழுக்கள் சார்பில் கண்டன ஆர்ப்பாட்டம் நடைபெற்றது.



இந்த ஆர்ப்பாட்டத்தில் முக்கிய கோரிக்கைகளாக கோவையில் குழந்தைகள், மாணவிகள் மற்றும் பெண்கள் மீது தொடரும் பாலியல் வன்முறைகளை தடுத்து நிறுத்துதல், பள்ளி கல்லூரிகளில் உடனடியாக ICC (உள்புகார்) கமிட்டி அமைத்தல், பள்ளி கல்லூரிகளில் விழிப்புணர்வு வகுப்புகளை அதிகப்படுத்துதல் ஆகியவை வலியுறுத்தப்பட்டன.



ஆர்ப்பாட்டத்தில் SFI-DIFY-AIDWA அமைப்புகளைச் சேர்ந்த 30க்கும் மேற்பட்டோர் பங்கேற்றனர்.



அவர்கள் பதாகைகளை ஏந்தியவாறும், கோஷங்களை எழுப்பியவாறும் தங்களது கோரிக்கைகளை வலியுறுத்தினர்.



இந்த ஆர்ப்பாட்டம் பெண்கள் மற்றும் குழந்தைகளின் பாதுகாப்பு குறித்த கவலையை வெளிப்படுத்தியதோடு, இது தொடர்பான விழிப்புணர்வை ஏற்படுத்தவும் உதவியது.