கோயம்புத்தூர் வடக்கு மண்டல வளர்ச்சி பணிகளை மேயர் ஆய்வு

Coimbatore: கோயம்புத்தூர் மாநகராட்சி வடக்கு மண்டலத்தில் நடைபெற்று வரும் வளர்ச்சி திட்ட பணிகளை மேயர் கா.ரங்கநாயகி ராமச்சந்திரன் இன்று நேரில் சென்று ஆய்வு செய்தார். பணிகளை விரைவாகவும், தரமாகவும் செய்து முடிக்க சம்பந்தப்பட்ட அலுவலர்களுக்கு அறிவுறுத்தினார்.



வடக்கு மண்டலம் வார்டு எண் 29-க்குட்பட்ட கணபதி புதூர் முதல் வீதியில் மாநகராட்சி பொது நிதியின் கீழ் ரூ.28.00 இலட்சம் மதிப்பீட்டில் மழைநீர் வடிகால் மற்றும் சிறுபாலம் அமைக்கும் பணி நடைபெறுகிறது. வி.என்.எஸ்.நகர் பகுதியில் ரூ.5.00 இலட்சம் மதிப்பீட்டில் மழைநீர் வடிகால் மற்றும் சிறுபாலம் திரும்ப கட்டும் பணியும் முன்னெடுக்கப்படுகிறது.



கொரத்தோட்டம் பகுதியில் மாநகராட்சி பொது நிதியின் கீழ் ரூ.5.00 இலட்சம் மதிப்பீட்டில் மழைநீர் வடிகால் மற்றும் சிறுபாலம் திரும்ப கட்டும் பணி நடைபெறுகிறது. கணபதி கார்டன் பகுதியில் ரூ.40.00 இலட்சம் மதிப்பீட்டில் நகர்ப்புற நலவாழ்வு மையத்தில் ஆய்வகம் மற்றும் சுற்றுச்சுவர் அமைக்கும் பணி முன்னெடுக்கப்படுகிறது.



வி.என்.எஸ்.நகர் முதல் சின்னசாமி நகர் வீதியிலும், வி.என்.எஸ்.நகர் இடையே கால்வாயின் குறுக்கேயும் ரூ.39.70 இலட்சம் மதிப்பீட்டில் பாலம் கட்டும் பணிகள் நடைபெறுகின்றன. இந்த அனைத்து பணிகளையும் மேயர் நேரில் சென்று ஆய்வு செய்தார்.



மேயர் ஆய்வின் போது, மாநகராட்சி அலுவலர்கள் உடனிருந்தனர். மொத்தம் ரூ.117.70 இலட்சம் மதிப்பீட்டில் இந்த வளர்ச்சி பணிகள் செயல்படுத்தப்படுகின்றன.