இந்திய விமானப் படையில் வேலை வாய்ப்பிற்கு இலவச பயிற்சி வகுப்புகள்

இந்திய விமானப்படைக்கான ஆள் சேர்ப்பு முகாம் செப்டம்பர் 2017 மாதத்தில் வேலூரில் நடைபெறவுள்ளது. விமானப்படையில் சேர்வதற்கு திருமணமாகாத ஆண் விண்ணப்பதாரர்கள் மட்டுமே விண்ணப்பிக்க வேண்டும். மேலும் இது குறித்த விரிவான தகவல்களை www.airmenselection.gov.in என்ற இணையதளத்தில் பார்த்து அறிந்து கொள்ளலாம். 

மேற்கண்ட பணிக்குச் செல்ல விண்ணப்பதாரர்களுக்கு இலவச பயிற்சி வகுப்புகள், கோவை மாவட்ட வேலைவாய்ப்பு அலுவலகத்தில் நடைபெறவுள்ளது. இலவச பயிற்சி வகுப்பில் சேர விரும்புபவர்கள் கோவை அரசினர் தொழிற்பயிற்சி நிலையம் அருகிலுள்ள மாவட்ட வேலைவாய்ப்பு அலுவலகத்தை நேரில் அணுகி பயன்பெறுமாறு கேட்டுக் கொள்ளப்படுகிறது. 

தமிழ்நாட்டில் கோவையை தவிர சென்னை, வேலூர், சேலம், திருச்சி, விழுப்புரம், தஞ்சாவூர், மதுரை, நாகர்கோவில் மற்றும் தூத்துக்குடி ஆகிய மாவட்ட வேலைவாய்ப்பு அலுவலகங்களிலும் இலவச பயிற்சி வகுப்புகள் நடைபெறவுள்ளன என கோவை மாவட்ட ஆட்சியர் வெளியிட்டுள்ள செய்திக்குறிப்பில் தெரிவித்துள்ளார்.