மாவட்ட அளவிலான டேபிள் டென்னிஸ் போட்டியில் ஆர்வத்துடன் வீரர், வீராங்கனைகள் பங்கேற்பு

கோவை : மாவட்ட அளவிலான டேபிள் டென்னிஸ் போட்டியில் ஏராளமான வீரர், வீராங்கனைகள் ஆர்வத்துடன் கலந்து கொண்டனர். 

கோவை மாவட்டத்தின் 2-ம் பதிப்பாகவும், கிளப்களுக்கு இடையிலான டேபிள் டென்னிஸ் போட்டி மாவட்ட பயிற்சியாளர்கள் மற்றும் அகாடமிகளின் சார்பில் ஒய்.டி.டி.ஏ. பெடலர்ஸ் டேபிள் டென்னிஸ் அகாடமியில் நேற்று நடைபெற்றது. இதில், கோவை, மேட்டுப்பாளையம் மற்றும் பொள்ளாச்சி ஆகிய பகுதிகளில் இருந்து சுமார் 250-க்கும் மேற்பட்ட வீரர், வீராங்கனைகள் கலந்து கொண்டனர். மினி கேடட், கேடட், சப்-ஜுனியர், ஜுனியர் என இருபாலாருக்கும் பல்வேறு பிரிவுகளின் கீழ் போட்டிகள் நடத்தப்பட்டது. 

இதில், சம்யுதா, சாய் நிதிஷ், தமிழ் இலக்கியா, சொக்கலிங்கம், ஜெஸ்மிதா, ஆதார்ஷ், ஸ்ரீ நிவி, நரேஷ், நரேஷ், தீபக் கிருஷ்ணா மற்றும் சங்கர் உள்ளிட்டோர் பல்வேறு பிரிவுகளில் வெற்றி பெற்றனர்.