கோவையில் பள்ளிகளுக்கு இடையேயான தடகளப் போட்டியில் ஸ்டேன்ஸ் பள்ளி சாம்பியன்

கோவை : பி.எஸ்.ஜி மருத்துவக்கல்லூரி வளாகத்தில் நடைபெற்ற தடகள வீரர்களுக்கான சாம்பியன்ஷிப் போட்டியில் ஸ்டேன்ஸ் பள்ளி 7 தங்கப் பதக்கங்களை வென்றது. 

கோவையில், மாவட்ட அளவில் நடைபெற்ற பள்ளிகளுக்கு இடையேயான தடகள போட்டியில், ஸ்டேன்ஸ் பள்ளி ஐ.சி.எஸ்.இ அதிகபட்சமாக வெற்றி வாய்ப்புகளைக் கைப்பற்றியது. அமெச்சூர் தடகள விளையாட்டு கிளப் வழங்கிய இப்போட்டியில் பெண்கள் பிரிவினர் அபாரமாக விளையாடி அசத்தினர். குறிப்பாக, ஸ்டேன்ஸ் பள்ளி மாணவர்கள் பல பிரிவுகளில் நடைபெற்ற போட்டிகளில் சிறப்பாக விளையாடி 7 தங்கப் பதக்கங்களை கைப்பற்றினர்.



அதில், சக்தி ராஜாராம் 2 தங்கப் பதக்கங்களையும், அகாத்யா, பிரசன்னா ஶ்ரீ ஹரி, ஜோஷ்வா, டி. இஸ்ரேல் ஆகியோர் வெவ்வேறு விளையாட்டுகளில் அதிரடியாகத் தங்கம் வென்றுள்ளனர். மேலும், பெண்கள் பிரிவில், 12 வயதிற்கு உட்பட்டோருக்கான 400 மீ தொடர் ஓட்டத்திலும் தங்கம் கைப்பற்றி அசத்தியுள்ளனர்.