மண்டல கைப்பந்து போட்டி : ஶ்ரீ ராமகிருஷ்ணா பாலிடெக்னிக் கல்லூரி அணிக்கு கோப்பை

கோவை : கோவையில் நடைபெற்ற பாலிடெக்னிக் கல்லூரிகளுக்கிடையே ஆன மண்டல கைப்பந்து போட்டியில் ஶ்ரீ ராமகிருஷ்ணா பாலிடெக்னிக் கல்லூரி கோப்பையைத் தட்டியது. 

கோவையில் 27 கல்லூரிகளுக்கு இடையில் கைப்பந்து போட்டி நேற்று நடைபெற்றது. அதில் கோவை, நீலகிரி, பொள்ளாச்சி, பழனி, திருப்பூர் ஆகிய இடங்களில் இருந்து வந்த பாலிடெக்னிக் கல்லூரிகள் பங்கு பெற்று விளையாடின. ஶ்ரீ ராமகிருஷ்ணா பாலிடெக்னிக் கல்லூரி நடத்திய இந்தப் பந்தயத்தில் இறுதிச் சுற்றில் வெற்றியை இதே கல்லூரியே வென்று பிற கல்லூரிகளை ஆட்சர்யத்தில் ஆழ்த்தியது. 



இதற்கிடையில், முதல் ஆட்டத்தில் தோல்வியைத் தழுவும் என எதிர்பார்க்கப்பட்ட ஶ்ரீ ராமகிருஷ்ணா கல்லூரி அணி அடுத்தடுத்த ஆட்டங்களில் சிறப்பாக விளையாடியது. பி.ஏ பாலிடெக்னிக் கல்லூரி அணியுடன் மோதிய ஆட்டத்தில் சிறப்பாக ஆடி கோப்பையை கைப்பற்ற முன்னேறியது ராமகிருஷ்ணா அணி. பின் கோவை தொழில்நுட்ப நிறுவனத்துடன் 3 - 2 (20-25, 25-17 மற்றும் 25-19) என்ற கணக்கில் ஆடி வெற்றி பெற்றது. 



இதைப்போலவே, 3 -வது இடத்திற்கு நடைபெற்ற போட்டிகளில் கோவை தொழில்நுட்ப நிறுவனத்துடன் திருவள்ளூர் பாலிடெக்னிக் கல்லூரியுடன் மோதியது. இதில் 2-1 என்ற கணக்கில் திருவள்ளூர் பாலிடெக்னிக் கல்லூரி அணி 3 -ம் இடத்தைப் பிடித்தது. 

மேலும், போட்டி முடிவடையும் போது ஶ்ரீ ராமகிருஷ்ணா பாலிடெக்னிக் கல்லூரி முதல்வர் சிவகுமார், உடற்கல்வி இயக்குனர் சண்முகவேல் இணைந்து வெற்றி பெற்ற அணிகளுக்குப் பரிசு வழங்கினர்.