காட்வின்னின் அபார பந்துவீச்சால் ஜாலி ரோவர்ஸ் அணி அபார வெற்றி

கோவை : கோவை மாவட்ட முதல் டிவிசன் கிரிக்கெட் போட்டியில் திருப்பூர் கிரிக்கெட் கிளப் அணியை 6 விக்கெட் வித்தியாசத்தில் ஜாலி ரோவர்ஸ் அணி வெற்றி பெற்றது. 

பி.எஸ்.ஜி. மருத்துவக் கல்லூரி மைதானத்தில் நடைபெற்ற முதல் டிவிசன் கிரிக்கெட் போட்டியில், திருப்பூர் கிரிக்கெட் கிளப் அணி,ஜாலி ரோவர்ஸ் அணியும் பலப்பரீட்சை நடத்தின. இதில், டாஸ் வென்று பந்து வீச்சை தேர்வு செய்த ஜாலி ரோவர்ஸ் அணி அபாரமாக பந்துவீசியது. அந்த அணியின் கேப்டன் காட்வின்னின் 5 வக்கெட்டுகளை கைப்பற்றி அசத்தியால், திருப்பூர் கிரிக்கெட் கிளப் அணி 50 ஓவர்களில் 153 ரன்களுக்கு ஆட்டமிழந்தது. 

இதைத் தொடர்ந்து, பேட் செய்த ஜாலி ரோவர்ஸ் அணி 4 விக்கெட்டுகளை மட்டும் இழந்து 154 ரன்களை எடுத்து அபார வெற்றி பெற்றது. 

இதேபோல, பி.எஸ்.ஜி. மருத்துவக் கல்லூரியின் சி மைதானத்தில் நடந்த 2-வது டிவிசன் கிரிக்கெட் போட்டியில் எஸ்.என்.ஆர். அறக்கட்டளை விளையாட்டு கிளப் அணி, 39 ரன்கள் வித்தியாசத்தில் ஆர்.கே.எஸ்.சி.ஏ. அணியை தோற்கடித்தது.