கல்லூரிகளுக்கு இடையிலான செஸ் போட்டியில் பி.எஸ்.ஜி., கல்லூரி அணி முன்னிலை

கோவை : பாரதியார் பல்கலைக்கழகத்திற்குட்பட்ட கல்லூரிகளுக்கு இடையிலான செஸ் போட்டியில் பி.எஸ்.ஜி., கல்லூரி அணி முன்னிலை பெற்றது. 

பாரதியார் பல்கலைக்கழகத்திற்குட்பட்ட கல்லூரிகளுக்கு இடையிலான செஸ் போட்டி காரமடையில் உள்ள ஆர்.வி. கல்லூரியில் இன்று தொடங்கியது. தொடர்ந்து, 4 நாட்கள் நடக்கும் இந்தப் போட்டியில் 42 கல்லூரிகளைச் சேர்ந்த அணிகள் கலந்து கொண்டன. இந்தப் போட்டிகளை எஸ்.ஆர்.எஸ்.ஐ., மெட்ரிக் பள்ளியின் தலைமையாசிரியர் லூசி மேரி மற்றும் ஆர்.வி. கலை மற்றும் அறிவியல் கல்லூரியின் உடற்கல்வி இயக்குநர் சி. திருப்பதி ஆகியோர் தொடங்கி வைத்தனர்.



முதல் இரண்டு நாட்களில் பெண்களுக்கான போட்டிகளும், 27 மற்றும் 28-ம் தேதிகளில் ஆண்களுக்கான போட்டிகளும் நடத்தப்படுகின்றன. முதல்நாளான இன்று நடந்த 6 சுற்றுகளின் முடிவில், நிலையில், பி.எஸ்.ஜி., கலை மற்றும் அறிவியல் கல்லூரி முன்னிலை பெற்றுள்ளது.