கோவையில் நடைபெற்று வரும் முதலமைச்சர் மு.க.ஸ்டாலின் புகைப்படக் கண்காட்சியில் இடம்பெற்ற கலை நிகழ்ச்சியில் சின்ன மச்சான் பாடலுக்கு மாநகராட்சி மத்திய மண்டல தலைவர் மீனா லோகு நடனமாடி அசத்தினார். இந்த வீடியோ தற்போது சமூக வலைதளங்களில் வைரலாக பரவி வருகிறது.
கோவை: கோவையில் முதல்வர் மு.க.ஸ்டாலினின் புகைப்பட கண்காட்சியில் மத்திய மண்டல தலைவர் நடனமாடிய வீடியோ காட்சிகள் சமூக வலைத்தளங்களில் வைரலாகி வருகிறது.
கோவை வ.உ.சி மைதானத்தில் எங்கள் முதல்வர் எங்கள் பெருமை என்ற முதலமைச்சரின் புகைப்பட கண்காட்சி நடைபெற்று வருகிறது. இந்த கண்காட்சியில் மாலை நேரங்களில் கலை நிகழ்ச்சிகளும் நடைபெற்று வருகின்றன.
இதனை காண, நாள்தோறும் ஆயிரக்கணக்கான பொதுமக்கள் வருகை தருகின்றனர். திரையுலக பிரபலங்களும் இந்த கண்காட்சியை பார்வையிட்டு செல்கின்றனர்.
இந்நிலையில், கடந்த 9ம் தேதி பாடகர்கள் செந்தில், ராஜலெட்சுமி ஆகியோர் முதலமைச்சரின் புகைப்பட கண்காட்சியை பார்வையிட்டு விட்டு கலை நிகழ்ச்சியில் கலந்து கொண்டு பிரபுதேவாவின் சின்ன மச்சான் பாடலை பாடினர்.
அப்போது, அந்த நிகழ்ச்சியை பார்வையிட வந்த கோவை மாநகராட்சி மத்திய மண்டல தலைவர் மீனா லோகு, சின்ன மச்சான் பாடலுக்கு உற்சாக நடனமாடி பார்வையாளர்களின் கவனத்தை ஈர்த்தார்.
தற்போது இந்த நடன காட்சிகள் சமூகவலைதளங்களில் வைரலாகி வருகிறது.