வேலைவாய்ப்பு அலுவலகம் சார்பில் ரீடெய்ல் சேல்ஸ் அஸோஸியேட் பயிற்சி

மாவட்ட வேலைவாய்ப்பு அலுவலகம், கோவையில் இயங்கி வரும் தமிழ்நாடு திறன் மேம்பாட்டுக் கழகம் வாயிலாக ரீடெய்ல் சேல்ஸ் அஸோஸியேட் பயிற்சியினை வழங்கவுள்ளது.

கோவை மாவட்ட வேலைவாய்ப்பு அலுவலக வளாகத்தில் நடைபெறவுள்ள இப்பயிற்சி வகுப்பில் 10ம் வகுப்பு, 12ம் வகுப்பு, அனைத்து பட்டதாரிகள், ஐடிஐ படிப்பு பயின்று சான்றிதழ் பெற்றவர்கள் மற்றும் டிப்ளமோ கல்வித் தகுதி உடையவர்கள் மேலும் இதுபோன்ற அனைத்து கல்வித் தகுதி உடையவர்களுக்கும் இப்பயிற்சி அளிக்கப்பட உள்ளது.

இப்பயிற்சியில் கலந்துகொள்ளும் மனுதாரர்கள் எவ்வித கட்டணமும் செலுத்தத்தேவையில்லை. மேலும், இப்பயிற்சி முடிக்கப்பெறும் மனுதாரர்களுக்கு எஸ்சிவிடி சான்றிதழ் வழங்கப்படும்.

இப்பயிற்சி வகுப்பில் சேர விருப்பமுள்ள மனுதாரர்கள் 2017 மார்ச் 24ம் தேதிக்குள் கோவை மாவட்ட வேலைவாய்ப்பு அலுவலகத்தினை அணுகி தங்கள் பெயர்களைப் பதிவு செய்துகொண்டு, பயிற்சி பெற்று பயனடையுமாறு கோவை மாவட்ட ஆட்சியர் வெளியிட்டுள்ள செய்திக்குறிப்பில் தெரிவித்துள்ளார்.