ஆனைமலை ஒழுங்குமுறை விற்பனை கூடத்தில் ரூ.30.49 லட்சத்துக்கு கொப்பரை ஏலம் – 97 விவசாயிகள் பங்கேற்பு

கோவை: ஆனைமலை ஒழுங்குமுறை விற்பனை கூடத்தில் செவ்வாய்க்கிழமை தோறும் கொப்பரை ஏலம் நடைபெறுவது வழக்கம். அதன்படி இன்று (மே.7) ஆனைமலை ஒழுங்குமுறை விற்பனை கூடத்தில் கொப்பரை ஏலம் நடைபெற்றது.இதில் ஆனைமலை பகுதியைச் சேர்ந்த 97 விவசாயிகள் 847 மூட்டை கொப்பரைகளை ஒழுங்குமுறை விற்பனை கூடத்திற்கு விற்பனைக்கு கொண்டு வந்திருந்தனர்.

அதில், முதல் தர கொப்பரை 390 மூட்டைகள் குவிண்டாலுக்கு அதிகபட்சம் ரூ.9612க்கு விற்பனையானது. இரண்டாம் தர கொப்பரை 457 மூட்டைகள் அதிகபட்சம் ரூ.8100க்கு விற்பனையானது. மொத்தம் 381.15 குவிண்டால் கொப்பரை ரூ.30.49 லட்சத்துக்கு விற்பனையானது.