கோவை வடவள்ளியில் விரைவில் திறக்கப்படவுள்ள 'ALVEAL FUN SAVVY' மால்: 5 பிவிஆர் திரைகளுடன் கூடிய அதிநவீன வசதிகள்

கோவை: கோவை வடவள்ளி பகுதியில் விரைவில் திறக்கப்பட உள்ள 'அல்வியல் ஃபன் சாவி' (ALVEAL FUN SAVVY) மால் குறித்த தகவல்கள் வெளியாகியுள்ளன. இந்த புதிய மால் 5 பிவிஆர் திரைகளுடன் கூடிய அதிநவீன வசதிகளுடன் திறக்கப்பட உள்ளதாக அதிகாரப்பூர்வமாக அறிவிக்கப்பட்டுள்ளது.



பிஎன் புதூர் வடவள்ளி பகுதியில் கட்டப்பட்டு வரும் இந்த மாலில் 5 திரைகளுடன் கூடிய பிவிஆர் திரையரங்குகள் ஐநாக்ஸ் தொழில்நுட்பத்துடன் அமைக்கப்பட உள்ளன. ஏற்கனவே கோவை மாவட்டத்தில் இரண்டு இடங்களில் பிவிஆர் திரைகள் கொண்ட மல்டிபிளக்ஸ்கள் இயங்கி வருகின்றன. இந்நிலையில், மூன்றாவதாக இந்த புதிய மால் திறக்கப்பட உள்ளது.

தற்போது இந்த மாலின் கட்டுமானப் பணிகள் இறுதிக் கட்டத்தை எட்டியுள்ளன. வடவள்ளி பகுதியில் இந்த மால் அமைய உள்ளதால், கோவை மாவட்ட மக்கள் மத்தியில் பெரும் எதிர்பார்ப்பும் மகிழ்ச்சியும் ஏற்பட்டுள்ளது.

ஏற்கனவே கோவை மாவட்டத்தில் பீனிக்ஸ் மால் அமைக்கப்பட உள்ளதாக அறிவிக்கப்பட்டிருந்த நிலையில், தற்போது 'அல்வியல் ஃபன் சாவி' மால் திறக்கப்பட உள்ளது பொதுமக்களிடையே மேலும் உற்சாகத்தை ஏற்படுத்தியுள்ளது. இந்த புதிய மால் திறக்கப்படுவதன் மூலம் கோவை மக்களுக்கு மேலும் ஒரு பொழுதுபோக்கு மற்றும் வணிக மையம் கிடைக்க உள்ளது.