கோவை மாநகராட்சி 1-வது வார்டில் குடிநீர் விநியோகம் மற்றும் பல்வேறு மேம்பாட்டுப் பணிகள் தொடக்கம்

Coimbatore: கோவை மாநகராட்சி 1-வது வார்டு கவுன்சிலர் கற்பகம் இராஜசேகரன் உத்தரவின் பேரில், ஜூலை 4 அன்று பல்வேறு மேம்பாட்டுப் பணிகள் மேற்கொள்ளப்பட்டன. இதில் முக்கியமாக, ஆப்பிள் அவென்யூ பகுதியில் புதிதாக அமைக்கப்பட்ட ஆழ்துளை கிணற்றில் இருந்து குடிநீர் விநியோகம் பூஜையுடன் துவக்கப்பட்டது.

இதேபோல, அப்பநாயக்கன்பாளையம் பேருந்து நிறுத்தம் முதல் சபரி கார்டன் வரை 3-வது அத்திகடவு திட்டத்தின் கீழ் குழாய் பதிக்கும் பணி மேற்கொள்ளப்பட்டது. இப்பணியை பார்வையிட்ட அதிகாரிகள், விரைவாகவும் பாதுகாப்புடனும் பணியை நிறைவு செய்யுமாறு ஒப்பந்ததாரரை வலியுறுத்தினர்.



மேலும், வார்டு முழுவதும் தெருவிளக்கு பராமரிப்பு பணிகள் மேற்கொள்ளப்பட்டன.



லவ்லி நகர் பகுதிகளில் கொசு ஒழிப்பு நடவடிக்கையாக கொசு மருந்து தெளிக்கப்பட்டது.



இதுதவிர, வார்டு முழுவதும் சுகாதாரப் பணிகளும் மேற்கொள்ளப்பட்டன.



இந்த முயற்சிகள் அனைத்தும் 1-வது வார்டின் உள்கட்டமைப்பை மேம்படுத்தவும், குடிமக்களின் வாழ்க்கைத் தரத்தை உயர்த்தவும் மேற்கொள்ளப்பட்டுள்ளன. இத்தகைய பணிகள் தொடர்ந்து மேற்கொள்ளப்படும் என வார்டு கவுன்சிலர் தெரிவித்துள்ளார்.