கோவையில் வரும் 8ஆம் தேதி மாமன்ற சிறப்பு கூட்டம்..!

Coimbatore: கோவை மாநகராட்சி ஆணையாளர் M. சிவகுரு பிரபாகரன் வெளியிட்டுள்ள செய்திக்குறிப்பின்படி, கோவை மாநகராட்சி மாமன்ற சிறப்புக் கூட்டம் வரும் ஜூலை 8-ஆம் தேதி நடைபெற உள்ளது.

இந்தக் கூட்டம் கோவை விக்டோரியா ஹாலில் உள்ள கூட்ட அரங்கில் நடைபெறும். இதில் கோவை மாநகரில் உள்ள 100 கவுன்சிலர்களும் கலந்து கொள்வார்கள் என்று தெரிவிக்கப்பட்டுள்ளது.

மாமன்றக் கூட்டத்தில் கோவை மாநகரில் உள்ள பல்வேறு குறைகள் குறித்து விவாதிக்கப்படும் என்று ஆணையாளர் M. சிவகுரு பிரபாகரன் தெரிவித்துள்ளார். இந்தச் சிறப்புக் கூட்டத்தில் நகரின் முக்கிய பிரச்சினைகள் மற்றும் அவற்றைத் தீர்ப்பதற்கான வழிமுறைகள் குறித்து விரிவான கலந்துரையாடல் நடைபெறும் என எதிர்பார்க்கப்படுகிறது.