கோவை: வடவள்ளி-சிறுவாணி சாலையில் பைக்கில் சென்றவரிடம் கொள்ளை - நான்கு பேர் கொண்ட கும்பல் வழிப்பறி

Coimbatore: கோவை வடவள்ளி பகுதியைச் சேர்ந்த புத்தக விநியோகஸ்தர் ஒருவர் வடவள்ளி-சிறுவாணி சாலையில் பைக்கில் சென்று கொண்டிருந்தபோது, காரில் வந்த நான்கு பேர் கொண்ட கும்பல் வழிமறித்து கொள்ளையடித்துள்ளது.

கல்வீரம் பாளையத்தைச் சேர்ந்த சுரேஷின் மகன் சரவணன் (28) புத்தக விநியோகஸ்தராக பணியாற்றி வருகிறார். ஜூலை 5 அன்று, அவர் தனது பைக்கில் வடவள்ளி-சிறுவாணி சாலையில் சென்று கொண்டிருந்தார். அப்போது, காரில் வந்த நான்கு பேர் கொண்ட கும்பல் அவரை வழிமறித்தது.

கும்பல் சரவணனிடம் கத்தியைக் காட்டி மிரட்டி, அவரிடமிருந்த ரூ.2,000 பணம் மற்றும் கைக்கடிகாரத்தை பறித்துக் கொண்டு தப்பிச் சென்றுவிட்டது. இந்த சம்பவத்தைத் தொடர்ந்து, சரவணன் வடவள்ளி காவல் நிலையத்தில் புகார் அளித்துள்ளார்.

புகாரின் அடிப்படையில், வடவள்ளி காவல் நிலைய ஆய்வாளர் பிராங்கிளின் மற்றும் உதவி ஆய்வாளர் கதிர்வேல் ஆகியோர் வழக்குப் பதிவு செய்து விசாரணை மேற்கொண்டு வருகின்றனர். கொள்ளையர்களைக் கண்டுபிடிக்க தீவிர தேடுதல் வேட்டை நடத்தப்பட்டு வருவதாக போலீசார் தெரிவித்துள்ளனர்.