கோவை அக்ரி இன்டெக்ஸ் விவசாய கண்காட்சியை பார்வையிட்ட திமுக செயலாளர் நா.கார்த்திக்

கோவை: கோவை அவினாசி சாலையில் உள்ள கொடிசியாவில் ஜூலை 14 அன்று நடைபெற்று வரும் "அக்ரி இன்டெக்ஸ்" விவசாய கண்காட்சியை கோவை மாநகர் மாவட்ட திமுக செயலாளர் நா.கார்த்திக் பார்வையிட்டார்.



முன்னாள் எம்எல்ஏவான நா.கார்த்திக், "கொடிசியா அக்ரி இன்டெக்ஸ்" கண்காட்சியை சுற்றி பார்வையிட்டதோடு, கண்காட்சிக்கு தனது இதயப்பூர்வமான நல்வாழ்த்துக்களையும் தெரிவித்துக் கொண்டார்.



இந்த நிகழ்வில் கொடிசியா (கோவை மாவட்ட சிறுதொழில்கள் சங்கம்) தலைவர் கார்த்திகேயன், செயலாளர் யுவராஜ், அக்ரி இன்டெக்ஸ் சேர்மன் தினேஷ், மற்றும் அக்ரி இன்டெக்ஸ் துணைத் தலைவர் ஸ்ரீ ஹரி ஆகியோர் உடனிருந்தனர்.

இந்த கண்காட்சி விவசாயத் துறையில் உள்ள புதிய தொழில்நுட்பங்கள், உபகரணங்கள் மற்றும் நவீன முறைகளை விவசாயிகளுக்கு அறிமுகப்படுத்தும் நோக்கத்துடன் நடத்தப்படுகிறது. இது போன்ற கண்காட்சிகள் விவசாயத் துறையின் வளர்ச்சிக்கு பெரிதும் உதவும் என எதிர்பார்க்கப்படுகிறது.