காமராஜரின் 122வது பிறந்தநாள்: ஆனைமலையில் காங்கிரஸ் கட்சியினர் அன்னதானம்

Coimbatore: கர்மவீரர் காமராஜரின் 122வது பிறந்தநாள் விழா இன்று (ஜூலை 15) கொண்டாடப்பட்டது. இதனையொட்டி, பொள்ளாச்சி அருகே உள்ள ஆனைமலையில் நகர காங்கிரஸ் கட்சி சார்பில் சிறப்பு நிகழ்ச்சிகள் நடைபெற்றன.

ஆனைமலை நகரத் தலைவர் ஆதம் தலைமையில் நடைபெற்ற இந்த விழாவில், காமராஜரின் திருவுருவப் படத்திற்கு மலர் தூவி மரியாதை செலுத்தப்பட்டது. அதைத் தொடர்ந்து, பொதுமக்களுக்கு அன்னதானம் வழங்கப்பட்டது.



இந்நிகழ்ச்சியில் காங்கிரஸ் கட்சியின் வட்டார தலைவர் ஜவகர் பாண்டியன், தங்கவேல், பூபதி, ரவி, அபு, நேச்சுரேத்தின் மணி, நாசர், கிருஷ்ணமூர்த்தி உள்ளிட்ட பல முக்கிய நிர்வாகிகள் கலந்து கொண்டனர்.

காமராஜரின் வாழ்க்கை வரலாறு மற்றும் அவரது சேவைகளை நினைவு கூர்ந்த கட்சி நிர்வாகிகள், அவரது கொள்கைகளைப் பின்பற்றி செயல்படுவோம் என உறுதியேற்றனர். மேலும், பொதுமக்களுக்கு வழங்கப்பட்ட அன்னதானம் காமராஜரின் எளிமையான வாழ்க்கை முறையையும், மக்கள் நலனில் அவர் கொண்டிருந்த அக்கறையையும் பிரதிபலிப்பதாக அமைந்தது.