மருதூர் ஊராட்சியில் கலைஞரின் கனவு இல்லத் திட்ட பயனாளிகள் தேர்வுக்கான சிறப்பு கிராம சபை கூட்டம்

கோவை: கோவை மாவட்டம் முழுவதும் உள்ள ஊராட்சிகளில் கலைஞரின் கனவு இல்லத் திட்ட பயனாளிகளை தேர்வு செய்வதற்காக சிறப்பு கிராம சபை கூட்டங்களை நடத்த வேண்டும் என்று கோவை மாவட்ட கலெக்டர் கிராந்தி குமார் பாடி உத்தரவிட்டார்.

இந்த உத்தரவின் அடிப்படையில், ஜூலை 22 அன்று மருதூர் ஊராட்சி மன்ற அலுவலகத்தில் சிறப்பு கிராம சபை கூட்டம் நடைபெற்றது. இந்த கூட்டத்திற்கு ஊராட்சி மன்ற தலைவர் பூர்ணிமா ரங்கராஜன் தலைமை வகித்தார்.

இந்த சிறப்பு கிராம சபை கூட்டத்தில் 50-க்கும் மேற்பட்ட பொதுமக்கள் கலந்து கொண்டனர். கலைஞரின் கனவு இல்லத் திட்டத்தின் கீழ் வீடு பெற விரும்பும் தகுதியான நபர்கள் இந்த கூட்டத்தில் தங்களது மனுக்களை சமர்ப்பித்தனர்.