கோவை மாநகராட்சி 40வது வார்டில் மழைநீர் வடிகால் பணி தொடக்கம்

கோவை: கோவை மாநகராட்சியின் மேற்கு மண்டலத்தில் உள்ள 40வது வார்டில் மழைநீர் வடிகால் கட்டும் பணிகள் இன்று (ஜூலை 22) தொடங்கப்பட்டன. இப்பணிகள் மணியக்காரர் வீதி, ஊர்கவுண்டர் வீதி மற்றும் தேவர் வீதி பகுதிகளில் மேற்கொள்ளப்படுகின்றன.



இப்பணிகளின் தொடக்க விழாவிற்கு 40வது வார்டு மாமன்ற உறுப்பினர் பத்மாவதி ரவிச்சந்திரன் தலைமை வகித்தார். மேற்கு மண்டலத் தலைவர் தெய்வயானை தமிழ்மறை அவர்கள் பணிகளை துவக்கி வைத்தார்.

இந்நிகழ்ச்சியில் கழகத் தோழர்கள் மற்றும் பொதுமக்கள் கலந்து கொண்டனர். மழைநீர் வடிகால் அமைப்பது வெள்ளப் பெருக்கைத் தடுக்கவும், மழைக்காலங்களில் நீர் தேங்குவதைத் தவிர்க்கவும் உதவும் என எதிர்பார்க்கப்படுகிறது.