வால்பாறையில் கனமழை: பள்ளிகளுக்கு விடுமுறை அறிவிப்பு

Coimbatore: கோவை மாவட்டத்தில் தென்மேற்கு பருவமழை தீவிரமடைந்து வருவதால், கடந்த சில நாட்களாக பல்வேறு பகுதிகளில் கனமழை பெய்து வருகிறது. இந்நிலையில், வால்பாறையில் உள்ள பள்ளிகளுக்கு இன்று (ஜூலை 30) விடுமுறை அளித்து மாவட்ட ஆட்சியர் கிராந்தி குமார் பாடி அறிவித்துள்ளார்.

நேற்றிரவு வால்பாறை பகுதியில் கனமழை கொட்டித் தீர்த்த நிலையில், மாணவர்களின் பாதுகாப்பு நலன் கருதி இந்த முடிவு எடுக்கப்பட்டுள்ளது. வால்பாறை தாலுகாவில் உள்ள பள்ளிகளுக்கு மட்டுமே இந்த விடுமுறை அறிவிப்பு பொருந்தும் என்பது குறிப்பிடத்தக்கது.

தொடர்ந்து பெய்து வரும் கனமழையால் வால்பாறை பகுதியில் மண்சரிவு அபாயம் ஏற்படக்கூடும் என்ற எச்சரிக்கையும் விடுக்கப்பட்டுள்ளது. பொதுமக்கள் மற்றும் சுற்றுலா பயணிகள் பாதுகாப்பாக இருக்குமாறு அதிகாரிகள் அறிவுறுத்தியுள்ளனர்.

மழை நிலவரத்தை தொடர்ந்து கண்காணித்து வரும் மாவட்ட நிர்வாகம், தேவைப்பட்டால் கூடுதல் நடவடிக்கைகள் எடுக்கப்படும் என்று தெரிவித்துள்ளது. பொதுமக்கள் அவசர உதவிக்கு 1077 என்ற எண்ணில் தொடர்பு கொள்ளலாம் என்றும் அறிவிக்கப்பட்டுள்ளது.