சிங்காநல்லூரில் திமுக நிர்வாகிகளுக்கு பாராட்டு விழா: கோவை மாநகர் மாவட்ட திமுக செயலாளர் நா.கார்த்திக் பங்கேற்பு

கோவை: கோவை மாநகர் மாவட்ட திமுக மற்றும் சிங்காநல்லூர் பகுதி-2 திமுக சார்பில், சிங்காநல்லூரில் ஒரு சிறப்பு நிகழ்ச்சி நடைபெற்றது. சமீபத்தில் முடிவடைந்த நாடாளுமன்றத் தேர்தலில் திமுக இந்தியா கூட்டணி 40/40 என்ற மாபெரும் வெற்றி பெற்றதை கொண்டாடும் விதமாக இந்த நிகழ்ச்சி ஏற்பாடு செய்யப்பட்டிருந்தது.

கோவை மாநகர் மாவட்ட திமுக செயலாளர் நா.கார்த்திக் (முன்னாள் எம்எல்ஏ) இந்த நிகழ்ச்சியில் சிறப்பு விருந்தினராக கலந்து கொண்டார். கோவை நாடாளுமன்றத் தொகுதியில் திமுக இந்தியா கூட்டணி சார்பில் போட்டியிட்டு வெற்றி பெற்ற கணபதி ராஜ்குமார் எம்பியின் வெற்றியை கொண்டாடும் விதமாக இந்த நிகழ்ச்சி நடைபெற்றது. இந்த வெற்றிக்கு உழைத்த சிங்காநல்லூர் பகுதி-2 திமுக நிர்வாகிகள் மற்றும் கழகத் தொண்டர்களை பாராட்டும் விதமாக இந்த நிகழ்ச்சி அமைந்தது.



நா.கார்த்திக் தனது சிறப்புரையில், சிங்காநல்லூர் பகுதி-2 திமுக நிர்வாகிகள் மற்றும் கழகத் தொண்டர்கள் அனைவரையும் வாழ்த்தினார். பின்னர், சிங்காநல்லூர் பகுதி-2க்கு உட்பட்ட கழக நிர்வாகிகள் மற்றும் BLA-2 பூத் கமிட்டி நிர்வாகிகளுக்கு வெற்றிப் பரிசுகளை வழங்கினார்.



இந்த நிகழ்ச்சியில் சிங்காநல்லூர் பகுதி-2 செயலாளர் மு.சிவா தலைமை வகித்தார். மேலும், கழக சுற்றுச்சூழல் அணி துணைச் செயலாளர் மற்றும் சிங்காநல்லூர் தொகுதி பொறுப்பாளர் மணிசுந்தர், பொதுக்குழு உறுப்பினர் ஆடிட்டர் சசிகுமார், மாநகராட்சி கிழக்கு மண்டலத்தலைவர் இலக்குமி இளஞ்செல்வி கார்த்திக், மாநகர் மாவட்ட மீனவர் அணி அமைப்பாளர் சி.கண்ணன், சிங்கை மதன் ஆகியோர் முன்னிலை வகித்தனர்.



இந்நிகழ்வில் தலைமை செயற்குழு உறுப்பினர் ஏர்போர்ட் ராஜேந்திரன், முன்னாள் எம்எல்ஏ காமராஜ், இராமநாதபுரம் பகுதி செயலாளர் ப.பசுபதி, பீளமேடு பகுதி-2 செயலாளர் மா. நாகராஜ், பீளமேடு பகுதி-3 செயலாளர் இரா.சேரலாதன், மாநகர் மாவட்ட இளைஞரணி அமைப்பாளர் இரா.தனபால் உள்ளிட்ட பல முக்கிய நிர்வாகிகள் கலந்து கொண்டனர். மேலும், வட்டக் கழகச் செயலாளர்கள், மாமன்ற உறுப்பினர்கள், கோவை மாவட்ட அறங்காவலர் குழு உறுப்பினர், தலைமைக் கழகப் பேச்சாளர்கள், கழக நிர்வாகிகள், BLA-2 பூத் கமிட்டி நிர்வாகிகள், கழகத் தொண்டர்கள் மற்றும் கழக செயல்வீரர்கள் திரளாகக் கலந்து கொண்டு நிகழ்ச்சியை சிறப்பித்தனர்.