கருணாநிதி நினைவு நாள்: கோவை அன்னூரில் திமுக சார்பில் மௌன ஊர்வலம்

கோவை: கோவை மாவட்டம் அன்னூரில் முன்னாள் முதலமைச்சர் கருணாநிதி நினைவு நாளை முன்னிட்டு திராவிட முன்னேற்றக் கழகம் (திமுக) சார்பில் மௌன ஊர்வலம் நடைபெற்றது. இந்த நிகழ்வு ஆகஸ்ட் 7 ஆம் தேதி நடைபெற்றது.



அன்னூர் பேரூராட்சி தலைவர் பரமேஸ்வரன் தலைமையில் நடைபெற்ற இந்த மௌன ஊர்வலம், பயணியர் மாளிகையில் துவங்கியது. ஊர்வலம் கூத்தாண்டவர் கோயில் வீதி, கடைவீதி வழியாக சென்று ரவுண்டானா சந்திப்பில் முடிவடைந்தது.



ரவுண்டானாவில் உள்ள கருணாநிதி உருவப்படத்திற்கு மலர் தூவி மரியாதை செலுத்தப்பட்டது.

இந்த நிகழ்வில் திமுக தெற்கு ஒன்றிய பொறுப்பாளர் தனபாலன், சுகுமார் உள்ளிட்ட திமுக நிர்வாகிகள் மற்றும் தொண்டர்கள் என பலர் கலந்து கொண்டனர்.