வங்கதேசத்தில் இந்துக்கள் மீதான தாக்குதலுக்கு எதிராக கோவையில் இந்து மக்கள் கட்சியினர் ஆர்ப்பாட்டம்

Coimbatore: வங்கதேசத்தில் இந்துக்கள் மீதான தாக்குதல்களையும், இந்து கோயில்கள் இடிக்கப்படுவதையும் கண்டித்து கோவையில் இந்து மக்கள் கட்சியினர் ஆர்ப்பாட்டம் நடத்தினர்.

இந்த ஆர்ப்பாட்டத்திற்கு இந்து மக்கள் கட்சியின் மாவட்ட பொதுச் செயலாளர் சூர்யா தலைமை வகித்தார். இதில் 120க்கும் மேற்பட்டோர் கலந்து கொண்டு தங்களது எதிர்ப்பை தெரிவித்தனர்.



இந்த ஆர்ப்பாட்டத்தில் இந்து மக்கள் கட்சியின் நிறுவனத் தலைவர் அர்ஜுன் சம்பத் கலந்து கொண்டு கண்டன உரையாற்றினார். வங்கதேசத்தில் இந்துக்கள் மீதான தாக்குதல்களை வன்மையாக கண்டித்த அவர், இந்து கோயில்கள் இடிக்கப்படுவதையும் கடுமையாக சாடினார்.

இந்த ஆர்ப்பாட்டத்தில் பல தாய்மார்களும் கலந்து கொண்டு தங்கள் ஆதரவை தெரிவித்தனர். வங்கதேச அரசு இந்துக்களை பாதுகாக்க வேண்டும் என்றும், இந்திய அரசு இது தொடர்பாக தலையிட்டு நடவடிக்கை எடுக்க வேண்டும் என்றும் ஆர்ப்பாட்டக்காரர்கள் கோரிக்கை விடுத்தனர்.