கோவை மாநகர அனைத்து வியாபாரிகள் சங்கம் சார்பாக 78-வது சுதந்திர தினத்தை முன்னிட்டு இரத்ததான முகாம்

கோவை: கோவை மாநகர அனைத்து வியாபாரிகள் சங்கம் சார்பாக 78-வது சுதந்திர தினத்தை முன்னிட்டு பல்வேறு நிகழ்ச்சிகள் நடைபெற்றன.



கோவை டவுன்ஹாலில் தேசியக்கொடி ஏற்றப்பட்டு, அனைவருக்கும் இனிப்புகள் வழங்கப்பட்டன.



இதனைத் தொடர்ந்து, வியாபாரிகள் அனைவரும் டவுன்ஹால் பகுதியில் பேரணியாக சுற்றி வந்தனர்.



பின்னர், அரசு பள்ளியில் படிக்கும் 100-க்கும் மேற்பட்ட மாணவ, மாணவிகளுக்கு இரண்டு லட்சம் ரூபாய் மதிப்பிலான கல்வி ஊக்கத் தொகைகள் வழங்கப்பட்டன.



மேலும், வியாபாரிகள் சங்கம் சார்பாக இரத்த தான முகாமும் ஏற்பாடு செய்யப்பட்டது. இந்த முகாமில் 100-க்கும் மேற்பட்டோர் கலந்து கொண்டு இரத்த தானம் செய்தனர்.