பெரியநாயக்கன்பாளையம் அருகே கஞ்சா விற்பனைக்காக வைத்திருந்த பீகார் இளைஞர் கைது

Coimbatore: கோவை மாவட்டம் பெரியநாயக்கன்பாளையம் காவல் நிலைய எல்லைக்குட்பட்ட குமாரபுரம் பேருந்து நிறுத்தம் அருகே கஞ்சா விற்பனை நடைபெறுவதாக ரகசிய தகவல் கிடைத்தது.

இந்த தகவலின் அடிப்படையில், ஆகஸ்ட் 18 ஆம் தேதி பெரியநாயக்கன்பாளையம் காவல் நிலைய போலீசார் குமாரபுரம் பேருந்து நிறுத்தம் பகுதியில் சோதனை நடத்தினர். அப்போது, கஞ்சாவை விற்பனைக்காக வைத்திருந்த பீகார் மாநிலத்தைச் சேர்ந்த சேட்டு பாஸ்வான் (23) என்ற இளைஞரை காவல்துறையினர் கைது செய்தனர்.

சேட்டு பாஸ்வானிடமிருந்து 1 கிலோ 100 கிராம் எடையுள்ள கஞ்சாவை காவல்துறையினர் பறிமுதல் செய்தனர். பின்னர், கைது செய்யப்பட்ட சேட்டு பாஸ்வானை நீதிமன்றத்தில் ஆஜர்படுத்தி, நீதிமன்ற உத்தரவின் பேரில் சிறையில் அடைத்தனர்.

இந்த சம்பவம் பெரியநாயக்கன்பாளையம் பகுதியில் பெரும் பரபரப்பை ஏற்படுத்தியுள்ளது. போதைப்பொருள் விற்பனையை தடுக்க காவல்துறை தொடர்ந்து கண்காணிப்பு நடவடிக்கைகளை மேற்கொண்டு வருவதாக தெரிவித்துள்ளனர்.