மேட்டுப்பாளையத்தில் ரூ.1.25 கோடி மதிப்பீட்டில் தார் சாலை பணி: எம்எல்ஏ செல்வராஜ் தொடங்கி வைத்தார்

கோவை: மேட்டுப்பாளையம் பகுதியில் ரூ.1.25 கோடி மதிப்பீட்டில் தார் சாலை அமைக்கும் பணி ஆகஸ்ட் 19ஆம் தேதி தொடங்கியது. இப்பணியை எம்எல்ஏ ஏ.கே.செல்வராஜ் பூமி பூஜை செய்து துவக்கி வைத்தார்.

மேட்டுப்பாளையம், சிக்கதாசம்பாளையம், ஜடையம்பாளையம், பெள்ளேபாளையம் ஆகிய நான்கு ஊராட்சிகளில் இந்த தார் சாலை அமைக்கும் பணி மேற்கொள்ளப்படுகிறது. இந்த பணி தொடங்கும் நிகழ்ச்சியில் ஊராட்சி தலைவர்கள் பழனிச்சாமி, பிரஸ் குமார், மாலா ஆகியோர் கலந்து கொண்டனர்.

மேலும், மாவட்ட கவுன்சிலர் பி.டி.கந்தசாமி, ஊராட்சி ஒன்றிய குழு தலைவர் மணிமேகலை மகேந்திரன் உள்ளிட்ட முக்கிய பிரமுகர்களும் இந்த நிகழ்ச்சியில் பங்கேற்றனர். இந்த திட்டம் மேட்டுப்பாளையம் பகுதி மக்களின் போக்குவரத்து வசதியை மேம்படுத்தும் என எதிர்பார்க்கப்படுகிறது.