சூலூர் கலங்கள் ஊராட்சியில் விநாயகர் சதுர்த்தி விழா கோலாகலமாக கொண்டாட்டம்

Coimbatore: கோவை மாவட்டம் சூலூர் கலங்கள் ஊராட்சியில் ஹிந்துஸ்தான் மக்கள் சேவா இயக்கம் சார்பாக விநாயகர் சதுர்த்தி விழா கோலாகலமாக கொண்டாடப்பட்டது. காலை 6 மணி அளவில் விநாயகர் பிரதிஷ்டை சிறப்பான முறையில் நடைபெற்றது. இந்த விழாவில் கலங்கள் ஊராட்சி தலைவர் பி ரங்கநாதன் கலந்து கொண்டு சிறப்பித்தார்.

மதியம் 12 மணியளவில் 500 பொது மக்களுக்கு அன்னதானம் சிறப்பான முறையில் வழங்கப்பட்டது. இந்த அன்னதான நிகழ்வில் பொதுமக்கள் அனைவரும் ஆர்வத்துடன் பங்கேற்றனர்.



மாலை 6 மணி அளவில் சின்ன கலங்கள் குளத்தில் விநாயகர் கரைக்கப்பட்டது. இந்த நிகழ்ச்சியில் ஊர் பொதுமக்கள் அனைவரும் கலந்துகொண்டு சிறப்பித்தனர்.



விழாவின் ஏற்பாடுகளை ஹிந்துஸ்தான் மக்கள் சேவா இயக்கம் சிறப்பாக செய்திருந்தது. இந்த விழாவில் லோட்டஸ் மணிகண்டன் நிறுவனத் தலைவரும் கலந்து கொண்டு சிறப்பித்தார்.



இவ்வாறு சூலூர் கலங்கள் ஊராட்சியில் விநாயகர் சதுர்த்தி விழா பக்தி நிறைந்த சூழலில் கோலாகலமாக கொண்டாடப்பட்டது.