சோமனூர் செயற்பொறியாளர் அலுவலகத்தில் நாளை மின் நுகர்வோர் குறைதீர்க்கும் கூட்டம்

கோவை: கோவை மாவட்டம் கருமத்தம்பட்டி-சோமனூர் கோட்டத்துக்குட்பட்ட மின் நுகர்வோர்களுக்கான குறை தீர்க்கும் கூட்டம் நாளை (செப்டம்பர் 11) காலை 11 மணிக்கு சோமனூர் செயற்பொறியாளர் அலுவலகத்தில் நடைபெற உள்ளதாக அறிவிக்கப்பட்டுள்ளது.

கோவை தெற்கு மேற்பார்வை பொறியாளர் தலைமையில் நடைபெறும் இந்தக் கூட்டத்தில், சோமனூர் கோட்டத்துக்குட்பட்ட மின் நுகர்வோர்கள் தங்களது குறைகளை நேரடியாக தெரிவிக்க வாய்ப்பு அளிக்கப்படுகிறது. மின் நுகர்வோர்களின் குறைகளை கேட்டறிந்து, அதற்கேற்ப உரிய நடவடிக்கை எடுத்து, விரைவில் தீர்வு காணப்படும் என்று மின்வாரிய செயற்பொறியாளர் சபரிராஜன் தெரிவித்துள்ளார்.

இந்தக் கூட்டத்தில் கலந்து கொண்டு தங்கள் குறைகளை தெரிவிக்குமாறு சோமனூர் கோட்டத்தைச் சேர்ந்த மின் நுகர்வோர்கள் அனைவரும் கேட்டுக் கொள்ளப்படுகிறார்கள். மின் துறை சார்ந்த எந்தவொரு பிரச்சினைகளையும் இந்தக் கூட்டத்தில் எழுப்பலாம் என்றும் அதிகாரிகள் தெரிவித்துள்ளனர்.