சங்கனூர் பள்ளம் மேம்பாட்டுப் பணிகளை ஆய்வு செய்த மாநகராட்சி ஆணையர்

Coimbatore: கோயம்புத்தூர் மாநகராட்சி ஆணையர் M சிவகுரு பிரபாகரன் இன்று (12.09.2024) மத்திய மண்டலத்திற்குட்பட்ட சங்கனூர் பள்ளத்தில் நடைபெறும் ரூ.49 கோடி மதிப்பிலான மேம்பாட்டுப் பணிகளை நேரில் சென்று ஆய்வு செய்தார்.

ஆய்வின் போது, பணிகளை விரைவாக முடிக்க வேண்டும் என்று அலுவலர்களுக்கு அறிவுறுத்தினார். மேலும், மத்திய மண்டலம், வார்டு எண் 46-க்குட்பட்ட இரத்தினபுரி, சாஸ்திரி வீதியிலும் ஆணையர் ஆய்வு மேற்கொண்டார்.



இப்பகுதியில் பழுதடைந்த மழைநீர் வடிகால்களை சீரமைக்க உரிய திட்டமதிப்பீடு தயாரிக்குமாறு சம்பந்தப்பட்ட பொறியாளருக்கு உத்தரவிட்டார்.

ஆணையருடன் மத்திய மண்டலத் தலைவர் மீனாலோகு, நகர திட்டமிடுநர் குமார், உதவி ஆணையர் செந்தில்குமரன், செயற்பொறியாளர் கருப்பசாமி, உதவி செயற்பொறியாளர் ஹேமலதா, மண்டல சுகாதார அலுவலர் குணசேகரன், உதவி பொறியாளர் சரவணகுமார் மற்றும் மாநகராட்சி அலுவலர்கள் உடனிருந்தனர்.



இந்த ஆய்வு, நகரின் உள்கட்டமைப்பு மேம்பாட்டிற்கான மாநகராட்சியின் தொடர் முயற்சிகளின் ஒரு பகுதியாகும். சங்கனூர் பள்ளம் மேம்பாட்டுப் பணிகள் முடிவடைந்தால், அப்பகுதி மக்களின் வாழ்க்கைத் தரம் மேம்படும் என எதிர்பார்க்கப்படுகிறது.