கோவை அரசு மருத்துவமனையில் பிறந்த குழந்தைகளுக்கு பாஜக தொழிலாளர் சங்கம் தங்க மோதிரம் வழங்கியது

கோவை: கோவையில் தேசிய தொழிலாளர் தினத்தை முன்னிட்டு, பாரதிய ஜனதா கட்சியின் அமைப்பு சாரா தொழிலாளர் சங்கம் சார்பில் அரசு மருத்துவமனையில் பிறந்த குழந்தைகளுக்கு தங்க மோதிரம் வழங்கும் நிகழ்ச்சி நடைபெற்றது.

இந்நிகழ்ச்சி செப்டம்பர் 17 ஆம் தேதி, பாஜக தொழிலாளர் சங்கத்தின் மாநிலத் துணைத் தலைவர் புவனேஸ்வரன் தலைமையில் நடைபெற்றது. மாவட்ட தலைவர் ராஜேந்திர பிரசாத் மற்றும் மாவட்ட துணை தலைவர் சுப்பிரமணி ஆகியோர் முன்னிலை வகித்தனர்.

இந்த நிகழ்ச்சியில், அரசு மருத்துவமனையில் அன்றைய தினம் பிறந்த 17 குழந்தைகளுக்கு தங்க மோதிரங்கள் வழங்கப்பட்டன. இந்த முயற்சி குழந்தைகளின் பெற்றோர்களிடையே பெரும் வரவேற்பைப் பெற்றது.

நிகழ்ச்சியில் பாஜகவின் பல முக்கிய நிர்வாகிகளும் கலந்து கொண்டனர்.