கோவையில் ரூ.3 கோடியில் KCIRI Envitest தொழில்நுட்ப மையம் திறப்பு

Coimbatore: கோவையில் குமரகுரு கல்வி நிறுவன வளாகத்தில் ரூ.3 கோடி செலவில் அமைக்கப்பட்டுள்ள KCIRI Envitest தொழில்நுட்ப மையம் திறக்கப்பட்டது. இந்த மையத்தை CII தமிழ்நாடு மாநில கவுன்சில் தலைவரும், வீல்ஸ் இந்தியாவின் நிர்வாக இயக்குனருமான ஸ்ரீவத்ஸ் ராம் திறந்து வைத்தார்.



இந்நிகழ்வில் தொழில்துறை ஆராய்ச்சி மற்றும் புத்தாக்கத்திற்கான குமரகுரு மையத்தின் (KCIRI) இயக்குனர் வசந்தராஜ், KCIRI பாதுகாப்பு திட்டங்களின் இயக்குனர் ரியர் அட்மிரல் மோகன்தாஸ் (ஓய்வு) ஆகியோர் கலந்து கொண்டனர்.



KCIRI Envitest தொழில்நுட்ப மையம், கோவை மற்றும் அதைச் சுற்றியுள்ள தொழில்கள் மற்றும் ஸ்டார்ட்அப்களின் முக்கியமான சோதனைத் தேவைகளைப் பூர்த்தி செய்யும் என எதிர்பார்க்கப்படுகிறது. இது பாதுகாப்பு மற்றும் வாகனத் துறைகளை வலுப்படுத்துவதோடு, விண்வெளி, பாதுகாப்பு மற்றும் வாகனத் துறைகளின் வளர்ச்சியையும் ஆதரிக்கிறது.

தொழில்துறை ஆராய்ச்சி மற்றும் புத்தாக்கத்திற்கான குமரகுரு மையம் (KCIRI) மற்றும் Envitest Laboratories Pvt. லிமிடெட் ஆகியவற்றின் கூட்டு முயற்சியால் இந்த மையம் நிறுவப்பட்டுள்ளது.



இந்த மையத்தில் Thermal Chambers, Vibration Shakers, Heating Ovens உள்ளிட்ட மேம்பட்ட வசதிகள் பொருத்தப்பட்டுள்ளன. இந்த மையம் தயாரிப்பு சோதனை தரநிலைகளை உயர்த்துவதை நோக்கமாகக் கொண்டுள்ளது.

உயர்நிலை சோதனை வசதிகளை அணுகுவதில் MSMEகள் எதிர்கொள்ளும் முக்கியமான சவால்களை இந்த மையம் நிவர்த்தி செய்கிறது. மேலும் அவற்றின் திட்டங்களுக்கான ரகசியத்தன்மையை உறுதி செய்கிறது.