கோவை கோவைபுதூர் மழலையர் பள்ளியில் நவராத்திரி கொண்டாட்டம். நூற்றுக்கும் மேற்பட்ட குழந்தைகள் தெய்வங்களாக வேடமிட்டு, கொலு பொம்மைகளாக அணிவகுத்து நின்று அனைவரையும் கவர்ந்தனர்.
Coimbatore: கோவையில் நவராத்திரி பண்டிகையை முன்னிட்டு கோவைபுதூர் மழலையர் பள்ளியில் சிறப்பு நிகழ்ச்சி நடைபெற்றது. இந்நிகழ்ச்சியில் நூற்றுக்கும் மேற்பட்ட குழந்தைகள் கொலு பொம்மைகளாக வேடமிட்டு அனைவரின் கவனத்தையும் ஈர்த்தனர்.
நவராத்திரி பண்டிகையின் போது வீடுகளில் கொலு வைத்து, விரதம் இருந்து, அம்மனை வழிபடும் வழக்கம் உள்ளது. இந்த வழக்கத்தை பின்பற்றி, மழலையர் பள்ளியில் சிறப்பு ஏற்பாடுகள் செய்யப்பட்டிருந்தன.
அதிகாலை முதலே குழந்தைகள் பல்வேறு தெய்வங்களின் வேடங்களை அணிய தொடங்கினர். தர்மர், அர்ச்சுனர், பழனி முருகர், மதுரை மீனாட்சி, கருமாரியம்மன் என பல்வேறு தெய்வ வடிவங்களில் குழந்தைகள் காட்சியளித்தனர். பள்ளியில் வைக்கப்பட்டிருந்த கொலு அலங்காரத்தில் நடைபெற்ற பூஜையில் இந்த குழந்தைகள் கலந்து கொண்டனர்.
தொடர்ந்து நடைபெற்ற விழாவில், கொலு பொம்மைகள் போல வேடமிட்ட குழந்தைகள் அனைவரின் கவனத்தையும் ஈர்த்தனர். அஷ்டலட்சுமி, தசாவதாரம், அறுபடை வீடு, பஞ்ச பாண்டவர், அம்மன், சிவன், ராமர் என ஒவ்வொரு குழுவாக தெய்வங்கள் போல வேடமிட்ட குழந்தைகள் தத்ரூபமாக கொலு பொம்மைகள் போல அணிவகுத்து நின்றனர்.
இந்த அழகிய காட்சி பெற்றோர்கள் மற்றும் பார்வையாளர்களை வெகுவாக கவர்ந்தது. குழந்தைகளின் இந்த முயற்சி நவராத்திரி பண்டிகையின் முக்கியத்துவத்தை எடுத்துக்காட்டியதோடு, இளம் தலைமுறையினருக்கு பாரம்பரிய கலாச்சாரத்தை அறிமுகப்படுத்தும் வகையில் அமைந்தது.