ஜடையம்பாளையம் ஊராட்சியில் ரூ.4.30 லட்சம் மதிப்பீட்டில் கான்கிரீட் சாலை அமைக்கும் பணி துவக்கம்

கோவை: ஜடையம்பாளையம் ஊராட்சியில் புதிய கான்கிரீட் சாலை அமைக்கும் பணி அக்டோபர் 15 ஆம் தேதி துவங்கியது. வீராச்சாமி நகர் வீரபத்திர சாமி கோவில் பகுதியில் இந்த சாலை அமைக்கப்படுகிறது.

ஒன்றிய கவுன்சிலர் கோபாலகிருஷ்ணன் நிதியிலிருந்து ரூ.4.30 லட்சம் மதிப்பீட்டில் இந்த சாலை அமைக்கும் பணி மேற்கொள்ளப்படுகிறது. இத்திட்டத்திற்கு மேட்டுப்பாளையம் எம்எல்ஏ ஏ.கே.செல்வராஜ் பூமி பூஜை செய்து துவக்கி வைத்தார்.

திட்டத் துவக்க விழாவில் மாவட்ட கவுன்சிலர் பி.டி.கந்தசாமி, யூனியன் சேர்மன் மணிமேகலை, ஒன்றிய செயலாளர் ராஜ்குமார் உள்ளிட்ட பலர் கலந்து கொண்டனர். இந்த புதிய சாலை அமைக்கும் பணி அப்பகுதி மக்களின் நீண்ட நாள் கோரிக்கையை நிறைவேற்றும் என எதிர்பார்க்கப்படுகிறது.