கோவை மாநகராட்சி, மத்திய மண்டலம், வார்டு எண்.63க்கு உட்பட்ட இராமநாதபுரம் மாநகராட்சி மேல்நிலைப் பள்ளியில் செப்டம்பர் 25, 2026 அன்று வெறிநோய் தடுப்பு விழிப்புணர்வு நிகழ்ச்சி நடைபெற்றது. கோவை மாநகராட்சி மற்றும் Humane Animal Society (HAS) இணைந்து நடத்திய இந்நிகழ்வில் சுமார் 200 மாணவ, மாணவியர் கலந்து கொண்டனர். மாநகராட்சி கால்நடை மருத்துவர் மரு.வருண்குமார் வெறிநோய், தடுப்பு முறைகள், நாய் கடித்தால் மேற்கொள்ள வேண்டிய நடவடிக்கைகள் குறித்து விளக்கினார். நிகழ்ச்சியின் நிறைவில் 'வெறிநோய் இல்லாத கோவை 2030' இலக்கை அடைய மாணவர்கள் மற்றும் ஆசிரியர்கள் உறுதிமொழி எடுத்தனர்.
Coimbatore: கோவை மாநகராட்சி, மத்திய மண்டலம், வார்டு எண்.63க்கு உட்பட்ட இராமநாதபுரம் மாநகராட்சி மேல்நிலைப் பள்ளியில் வெறிநோய் (Rabies) தடுப்பு விழிப்புணர்வு நிகழ்ச்சி இன்று (25.09.2026) நடைபெற்றது.
கோயம்புத்தூர் மாநகராட்சி மற்றும் Humane Animal Society (HAS) இணைந்து இந்நிகழ்ச்சியை நடத்தின. இதில் சுமார் 200 மாணவ, மாணவியர் கலந்து கொண்டனர். நிகழ்வின்போது மாணவர்களுக்கு வெறிநோய், அதன் தடுப்பு முறைகள் மற்றும் சமூக நாய்களை அணுகும்போது செய்ய வேண்டியவை மற்றும் செய்யக்கூடாதவை குறித்து மாநகராட்சி கால்நடை மருத்துவர் வருண்குமார் விரிவாக எடுத்துரைத்தார்.
மேலும், சமூக நாய்களுக்கு வெறிநோய் தடுப்பூசி (Anti-Rabies Vaccination - ARV) செலுத்துவதன் முக்கியத்துவம் மற்றும் வெறிநோய் பரவலைத் தடுப்பதில் தடுப்பூசியின் பங்கு குறித்தும் மாணவர்களுக்கு விழிப்புணர்வு ஏற்படுத்தப்பட்டது. பின்னர், நாய் கடித்தால் உடனடியாக மேற்கொள்ள வேண்டிய நடவடிக்கைகள் குறித்தும் விளக்கப்பட்டது. குறிப்பாக, காயத்தை சோப்பு மற்றும் ஓடும் தண்ணீரால் நன்கு கழுவி, தாமதமின்றி மருத்துவமனைக்குச் சென்று மருத்துவரின் ஆலோசனையின்படி, உரிய மருத்துவ சிகிச்சை மற்றும் தடுப்பூசி பெற வேண்டியதன் அவசியம் குறித்தும் தெரிவிக்கப்பட்டது.
அதனைத் தொடர்ந்து, வெறிநோய் இருக்கக்கூடிய நாய்களை அடையாளம் காண்பது மற்றும் அவற்றின் அசாதாரண நடத்தைகளை கவனிப்பது குறித்தும் மாணவர்களுக்கு விளக்கப்பட்டது. சந்தேகத்திற்கிடமான நாய்களை அணுகவோ, கையாளவோ கூடாது என்றும், சம்பந்தப்பட்ட அலுவலர்களுக்கு உடனடியாக தகவல் தெரிவிக்க வேண்டும் எனவும், மனிதர்கள் மற்றும் விலங்குகளுக்கு இடையிலான இணக்கமான வாழ்வு, பொறுப்பான விலங்கு பராமரிப்பு மற்றும் சமூகத்தின் ஒருங்கிணைந்த பங்களிப்பு ஆகியவற்றின் மூலம் 2030-க்குள் வெறிநோய் இல்லாத கோவையை உருவாக்க அனைவரும் இணைந்து செயல்பட வேண்டும் எனவும் கேட்டுக்கொள்ளப்பட்டது.
அதன் பின்னர், நிகழ்ச்சியின் நிறைவாக, "வெறிநோய் இல்லாத கோவை 2030" என்ற இலக்கை அடைவதற்கான உறுதிமொழியை மாநகராட்சி கால்நடை மருத்துவர் அவர்கள் முன்னிலையில் அனைத்து மாணவர்கள் மற்றும் பள்ளி ஆசிரியர்கள் ஆகியோர் எடுத்துக் கொண்டனர்.
இந்நிகழ்வின்போது, மாநகர கல்வி அலுவலர் குணசேகரன் (பொ), கால்நடை மருத்துவர் (மிஷன் ரேபிஸ்) அபிராம், ஹியூமேன் அனிமல் சொசைட்டி (HAS) கல்வி அலுவலர் சரண், ஆசிரியர்கள், பள்ளி மாணவ, மாணவியர்கள் உட்பட பலர் கலந்து கொண்டனர்.
கோயம்புத்தூர் மாநகராட்சி மற்றும் Humane Animal Society (HAS) இணைந்து இந்நிகழ்ச்சியை நடத்தின. இதில் சுமார் 200 மாணவ, மாணவியர் கலந்து கொண்டனர். நிகழ்வின்போது மாணவர்களுக்கு வெறிநோய், அதன் தடுப்பு முறைகள் மற்றும் சமூக நாய்களை அணுகும்போது செய்ய வேண்டியவை மற்றும் செய்யக்கூடாதவை குறித்து மாநகராட்சி கால்நடை மருத்துவர் வருண்குமார் விரிவாக எடுத்துரைத்தார்.
மேலும், சமூக நாய்களுக்கு வெறிநோய் தடுப்பூசி (Anti-Rabies Vaccination - ARV) செலுத்துவதன் முக்கியத்துவம் மற்றும் வெறிநோய் பரவலைத் தடுப்பதில் தடுப்பூசியின் பங்கு குறித்தும் மாணவர்களுக்கு விழிப்புணர்வு ஏற்படுத்தப்பட்டது. பின்னர், நாய் கடித்தால் உடனடியாக மேற்கொள்ள வேண்டிய நடவடிக்கைகள் குறித்தும் விளக்கப்பட்டது. குறிப்பாக, காயத்தை சோப்பு மற்றும் ஓடும் தண்ணீரால் நன்கு கழுவி, தாமதமின்றி மருத்துவமனைக்குச் சென்று மருத்துவரின் ஆலோசனையின்படி, உரிய மருத்துவ சிகிச்சை மற்றும் தடுப்பூசி பெற வேண்டியதன் அவசியம் குறித்தும் தெரிவிக்கப்பட்டது.
அதனைத் தொடர்ந்து, வெறிநோய் இருக்கக்கூடிய நாய்களை அடையாளம் காண்பது மற்றும் அவற்றின் அசாதாரண நடத்தைகளை கவனிப்பது குறித்தும் மாணவர்களுக்கு விளக்கப்பட்டது. சந்தேகத்திற்கிடமான நாய்களை அணுகவோ, கையாளவோ கூடாது என்றும், சம்பந்தப்பட்ட அலுவலர்களுக்கு உடனடியாக தகவல் தெரிவிக்க வேண்டும் எனவும், மனிதர்கள் மற்றும் விலங்குகளுக்கு இடையிலான இணக்கமான வாழ்வு, பொறுப்பான விலங்கு பராமரிப்பு மற்றும் சமூகத்தின் ஒருங்கிணைந்த பங்களிப்பு ஆகியவற்றின் மூலம் 2030-க்குள் வெறிநோய் இல்லாத கோவையை உருவாக்க அனைவரும் இணைந்து செயல்பட வேண்டும் எனவும் கேட்டுக்கொள்ளப்பட்டது.
அதன் பின்னர், நிகழ்ச்சியின் நிறைவாக, "வெறிநோய் இல்லாத கோவை 2030" என்ற இலக்கை அடைவதற்கான உறுதிமொழியை மாநகராட்சி கால்நடை மருத்துவர் அவர்கள் முன்னிலையில் அனைத்து மாணவர்கள் மற்றும் பள்ளி ஆசிரியர்கள் ஆகியோர் எடுத்துக் கொண்டனர்.
இந்நிகழ்வின்போது, மாநகர கல்வி அலுவலர் குணசேகரன் (பொ), கால்நடை மருத்துவர் (மிஷன் ரேபிஸ்) அபிராம், ஹியூமேன் அனிமல் சொசைட்டி (HAS) கல்வி அலுவலர் சரண், ஆசிரியர்கள், பள்ளி மாணவ, மாணவியர்கள் உட்பட பலர் கலந்து கொண்டனர்.