கோவை மாவட்ட ஆட்சியர் கணியூர் ஊராட்சிக்கு சர்வதேச தர சான்றிதழ் வழங்கினார்

கோவை: கோவை மாவட்ட ஆட்சியர் அலுவலகத்தில் நேற்று (05.08.2024) ஒரு முக்கிய நிகழ்வு நடைபெற்றது. அடிப்படை தேவைகளை சிறப்பாக கையாளும் உள்ளாட்சி அமைப்புகளில், சூலூர் ஊராட்சி ஒன்றியத்தின் கணியூர் ஊராட்சி மாநில அளவில் 4-வது ஊராட்சியாகவும், மாவட்டத்தில் முதல் ஊராட்சியாகவும் தேர்வு செய்யப்பட்டது.

இதற்காக சர்வதேச தரச்சான்று சம்மேளனத்தால் வழங்கப்பட்ட சர்வதேச தர சான்றிதழை (ISO) கணியூர் ஊராட்சி மன்ற தலைவர் வேலுச்சாமியிடம் மாவட்ட ஆட்சித்தலைவர் கிராந்திகுமார் பாடி வழங்கினார்.

இந்த நிகழ்வில் கூடுதல் ஆட்சியர் (வளர்ச்சி) ஸ்வேதா சுமன், உதவி இயக்குனர் (ஊராட்சிகள்) சரவணன், கணியூர் ஊராட்சி துணைத் தலைவர் ராஜு மற்றும் ஊராட்சி மன்ற உறுப்பினர்கள் கலந்து கொண்டனர். மேலும், சூலூர் வட்டார வளர்ச்சி அலுவலர்கள் முத்துராஜு, ஹேமலதா, மண்டல துணை வட்டார வளர்ச்சி அலுவலர் மங்கள சக்தியா, ஊராட்சி செயலர் ஜெகதீசன் மற்றும் பல பணியாளர்களும் இந்த நிகழ்வில் பங்கேற்றனர்.