தமிழ்நாடு வேளாண்மைப் பல்கலைக்கழகத்தின் பட்டுப்புழு வளர்ப்புத் தொழில்நுட்பங்கள் சான்றிதழ் படிப்பின் சான்றிதழ் வழங்கும் மற்றும் புதிய மாணவர் துவக்க விழா மேட்டுப்பாளையத்தில் நடைபெற்றது.
Coimbatore:
தமிழ்நாடு வேளாண்மைப் பல்கலைக்கழகத்தின் திறந்த மற்றும் தொலைதூரக் கல்வி இயக்குநரகம் மற்றும் பட்டுப்பூச்சி வளர்ப்புத் துறை இணைந்து, பட்டுப்புழு வளர்ப்புத் தொழில்நுட்பங்கள் குறித்த சான்றிதழ் படிப்பின் சான்றிதழ் வழங்கும் மற்றும் துவக்க விழாவை மேட்டுப்பாளையம் வனக்கல்லூரி மற்றும் ஆராய்ச்சி நிலைய வளாகத்தில் நடத்தின.
தமிழ்நாடு வேளாண்மைப் பல்கலைக்கழகம் திறந்த மற்றும் தொலைதூரக் கல்வி திட்டங்கள் மூலம் தரமான கல்வியை விரிவான கற்றலாளர் சமூகத்திற்கு வழங்கி வருகிறது. அந்த வகையில், பட்டுப்புழு வளர்ப்புத் தொழில்நுட்பங்கள் குறித்த சான்றிதழ் படிப்பு திறன் மேம்பாடு, வேலைவாய்ப்பு உருவாக்கம் மற்றும் தொழில்முனைவோர் முன்னேற்றத்தில் முக்கிய பங்காற்றி வருகிறது.
இந்த சான்றிதழ் படிப்பு முதலில் தமிழ்நாடு வேளாண்மைப் பல்கலைக்கழகத்தின் கோயம்புத்தூர் வளாகத்தில் அறிமுகப்படுத்தப்பட்டு சுமார் 10 தொகுப்புகள் வெற்றிகரமாக நடத்தப்பட்டன. பின்னர் அதிகரித்த தேவையை கருத்தில் கொண்டு, மேட்டுப்பாளையம் வனக்கல்லூரி மற்றும் ஆராய்ச்சி நிலையத்தின் பட்டுப்புழுவியல் துறைக்கும் விரிவுபடுத்தப்பட்டது. அங்கு இதுவரை மேலும் 5 தொகுப்புகள் நடத்தப்பட்டுள்ளன.
இதுவரை சுமார் 1,000 மாணவர்கள் இந்த பயிற்சியின் மூலம் பயனடைந்துள்ளனர். கோட்பாட்டு மற்றும் செய்முறை பயிற்சிகளுடன் வடிவமைக்கப்பட்டுள்ள இந்த பாடத்திட்டம், Junior Inspector of Sericulture போன்ற போட்டித் தேர்வுகளுக்குத் தயாராகவும், பட்டுப்புழு வளர்ப்பு சார்ந்த தொழில்களை தொடங்கவும் மாணவர்களுக்கு உதவுகிறது.
விழாவில் தமிழ்நாடு வேளாண்மைப் பல்கலைக்கழக முதுநிலை பட்டமேற்படிப்பு பயிலக முதன்மையர் முனைவர் சி. பாபு தலைமை உரையாற்றி, நவீன கல்வியில் தொழில்முனைவுத்திறன் ஒருங்கிணைப்பின் அவசியத்தை வலியுறுத்தினார்.
திறந்த மற்றும் தொலைதூரக் கல்வி இயக்குநர் முனைவர் பி. பாலசுப்பிரமணியம், பல்கலைக்கழகம் வழங்கி வரும் 44 தொலைதூரக் கல்வி படிப்புகளின் வெற்றிகளை எடுத்துரைத்து, புதிய மாணவர்கள் கிராமப்புற மற்றும் வேளாண் துறைகளில் புதுமைகளை உருவாக்க வேண்டும் என ஊக்கமளித்தார்.
வனக்கல்லூரி மற்றும் ஆராய்ச்சி நிலைய முதன்மையர் முனைவர் அ. பாலசுப்பிரமணியன், பட்டுப்புழு வளர்ப்புத் துறையின் வணிக வாய்ப்புகள் மற்றும் தொழில்முனைவோருக்கான இன்கியுபேஷன் மையங்களின் ஆதரவு குறித்து விளக்கமளித்தார்.
பின்னர் பட்டுப்புழுவியல் துறையின் பேராசிரியரும் தலைவருமான முனைவர் கே.ஏ. முருகேஷ் வரவேற்புரை ஆற்றினார்.
விழாவின் முக்கிய அம்சமாக, 2025 ஆம் ஆண்டுத் தொகுப்பில் பயின்று சான்றிதழ் படிப்பை வெற்றிகரமாக முடித்த 29 மாணவர்களுக்கு சான்றிதழ்கள் வழங்கப்பட்டன. இதில் சிறந்த மதிப்பெண்கள் பெற்ற மூன்று மாணவர்களுக்கு விருதுகளும் வழங்கப்பட்டன.
மேலும், 2026 ஆம் ஆண்டுத் தொகுப்பில் இணைந்துள்ள 60 புதிய மாணவர்களுக்கான அறிமுக மற்றும் துவக்க நிகழ்வும் நடைபெற்றது. இறுதியாக திறந்த மற்றும் தொலைதூரக் கல்வி உதவி பேராசிரியர் முனைவர் எஸ். சுசிகரன் நன்றியுரை வழங்கினார்.
தமிழ்நாடு வேளாண்மைப் பல்கலைக்கழகத்தின் திறந்த மற்றும் தொலைதூரக் கல்வி இயக்குநரகம் மற்றும் பட்டுப்பூச்சி வளர்ப்புத் துறை இணைந்து, பட்டுப்புழு வளர்ப்புத் தொழில்நுட்பங்கள் குறித்த சான்றிதழ் படிப்பின் சான்றிதழ் வழங்கும் மற்றும் துவக்க விழாவை மேட்டுப்பாளையம் வனக்கல்லூரி மற்றும் ஆராய்ச்சி நிலைய வளாகத்தில் நடத்தின.
தமிழ்நாடு வேளாண்மைப் பல்கலைக்கழகம் திறந்த மற்றும் தொலைதூரக் கல்வி திட்டங்கள் மூலம் தரமான கல்வியை விரிவான கற்றலாளர் சமூகத்திற்கு வழங்கி வருகிறது. அந்த வகையில், பட்டுப்புழு வளர்ப்புத் தொழில்நுட்பங்கள் குறித்த சான்றிதழ் படிப்பு திறன் மேம்பாடு, வேலைவாய்ப்பு உருவாக்கம் மற்றும் தொழில்முனைவோர் முன்னேற்றத்தில் முக்கிய பங்காற்றி வருகிறது.
இந்த சான்றிதழ் படிப்பு முதலில் தமிழ்நாடு வேளாண்மைப் பல்கலைக்கழகத்தின் கோயம்புத்தூர் வளாகத்தில் அறிமுகப்படுத்தப்பட்டு சுமார் 10 தொகுப்புகள் வெற்றிகரமாக நடத்தப்பட்டன. பின்னர் அதிகரித்த தேவையை கருத்தில் கொண்டு, மேட்டுப்பாளையம் வனக்கல்லூரி மற்றும் ஆராய்ச்சி நிலையத்தின் பட்டுப்புழுவியல் துறைக்கும் விரிவுபடுத்தப்பட்டது. அங்கு இதுவரை மேலும் 5 தொகுப்புகள் நடத்தப்பட்டுள்ளன.
இதுவரை சுமார் 1,000 மாணவர்கள் இந்த பயிற்சியின் மூலம் பயனடைந்துள்ளனர். கோட்பாட்டு மற்றும் செய்முறை பயிற்சிகளுடன் வடிவமைக்கப்பட்டுள்ள இந்த பாடத்திட்டம், Junior Inspector of Sericulture போன்ற போட்டித் தேர்வுகளுக்குத் தயாராகவும், பட்டுப்புழு வளர்ப்பு சார்ந்த தொழில்களை தொடங்கவும் மாணவர்களுக்கு உதவுகிறது.
விழாவில் தமிழ்நாடு வேளாண்மைப் பல்கலைக்கழக முதுநிலை பட்டமேற்படிப்பு பயிலக முதன்மையர் முனைவர் சி. பாபு தலைமை உரையாற்றி, நவீன கல்வியில் தொழில்முனைவுத்திறன் ஒருங்கிணைப்பின் அவசியத்தை வலியுறுத்தினார்.
திறந்த மற்றும் தொலைதூரக் கல்வி இயக்குநர் முனைவர் பி. பாலசுப்பிரமணியம், பல்கலைக்கழகம் வழங்கி வரும் 44 தொலைதூரக் கல்வி படிப்புகளின் வெற்றிகளை எடுத்துரைத்து, புதிய மாணவர்கள் கிராமப்புற மற்றும் வேளாண் துறைகளில் புதுமைகளை உருவாக்க வேண்டும் என ஊக்கமளித்தார்.
வனக்கல்லூரி மற்றும் ஆராய்ச்சி நிலைய முதன்மையர் முனைவர் அ. பாலசுப்பிரமணியன், பட்டுப்புழு வளர்ப்புத் துறையின் வணிக வாய்ப்புகள் மற்றும் தொழில்முனைவோருக்கான இன்கியுபேஷன் மையங்களின் ஆதரவு குறித்து விளக்கமளித்தார்.
பின்னர் பட்டுப்புழுவியல் துறையின் பேராசிரியரும் தலைவருமான முனைவர் கே.ஏ. முருகேஷ் வரவேற்புரை ஆற்றினார்.
விழாவின் முக்கிய அம்சமாக, 2025 ஆம் ஆண்டுத் தொகுப்பில் பயின்று சான்றிதழ் படிப்பை வெற்றிகரமாக முடித்த 29 மாணவர்களுக்கு சான்றிதழ்கள் வழங்கப்பட்டன. இதில் சிறந்த மதிப்பெண்கள் பெற்ற மூன்று மாணவர்களுக்கு விருதுகளும் வழங்கப்பட்டன.
மேலும், 2026 ஆம் ஆண்டுத் தொகுப்பில் இணைந்துள்ள 60 புதிய மாணவர்களுக்கான அறிமுக மற்றும் துவக்க நிகழ்வும் நடைபெற்றது. இறுதியாக திறந்த மற்றும் தொலைதூரக் கல்வி உதவி பேராசிரியர் முனைவர் எஸ். சுசிகரன் நன்றியுரை வழங்கினார்.